اسلام آباد۔12دسمبر(اے پی پی) وفاقی وزیر سمندر پار پاکستانی اتے انسانی وسائل و ترقی ساجد حسین طوری آکھیے جو لیبر کمپلیکس ٹیکسلا اچ 504 فلیٹس اپݨے کارکناں دے حوالے کرݨ ویندے پیوں ،ایں پروجیکٹ کوں ابتدائی طور تے ڈبلیو ڈبلیو ایف دی گورننگ باڈی 2004 اچ منظور کیتا ہئی،اے پراجیکٹ 240 کنال زمین تے مشتمل اے ۔ اے ڳالھ انہاں سنوار کوں ورکر کمپلیکس ٹیکسلا دے افتتاحی تقریب توں خطاب کریندے ہوئیں کیتی۔ ایں موقع تے سردار سلیم حیدر خان وزیر مملکت سمندر پار پاکستانیز وی خطاب کیتا۔ وفاقی وزیر آکھیے جو اڄ میکوں خوشی اے جو اساں لیبر کمپلیکس ٹیکسلا اچ 504 فلیٹس اپݨے کارکناں دے حوالے کرݨ ویندے پیوں جیڑھا جو ورکرویلفیئر فنڈ اسلام آباد اچ رجسٹرڈ ہن۔ ایں سنگ میل کیتے میں آپݨے ورکر ویلفیئر فنڈ اسلام آباد دی آفیشل ٹیم کوں مبارخ ݙٰینداں جنہاں ایں خواب کوں سچ کرݨ کیتے سخت محنت کیتی جیڑھی جو کجھ قانونی اتے ٻئے مسئلیں دی وجہ توں رکیا ہویا ہئی ۔
