اسلام آباد۔12دسمبر (اے پی پی):وفاقی وزیر منصوبہ بندی، ترقی ، اصلاحات و خصوصی اقدامات پروفیسر احسن اقبال آکھیے جو پاکستان اچ ترقی دے حوالے نال جغرافیائی تفریق مکاوݨ ترقیاتی حکمت عملی دا اہم جز اے،پنج سالاں اچ پسماندہ ترین ضلعیں توں پسماندگی کوں مکاوݨ دا منصوبہ اے۔ اے ڳالھ انہاں سنوار کوں آپݨی زیرصدارت اجلاس اچ ڳالھ مہاڑ کریندے ہوئیں آکھی اے ۔ اجلاس اچ 20 پسماندہ ضلعیں توں تعلق رکھݨ آلے ممبران قومی اسمبلی شریک تھئے ۔ اجلاس اچ وفاقی وزیرآکھیے جو پسماندہ ترین ضلعیں توں پسماندگی مکاوݨ دے منصوبہ توں انہاں ضلعیں اچ معاشی و معاشرتی ترقی دا عمل تکھا تھکے ممکن تھیسی۔ 20 اچوں 11 ضلعیں دا تعلق بلوچستان توں اے ۔ پہلے مرحلے اچ جامع منصوبہ بندی دےذریعے تعلیم، صحت ، توانائی تے انفراسٹرکچر تے توجہ ݙتی ویسی ۔ غیر جمہوری ادوار اچ ملک اچ ترقی غیر مساویانہ تھئی تے تفریق ودھی۔ احسن اقبال آکھیے جو پسماندہ ضلعیں دے ممبران قومی اسمبلی دی تجاویز نال حقیقت تے مبنی پلان بݨاوݨ اچ مدد ملسی۔ پاکستان دے استحکام تے وحدت دا دارومدار مساویانہ ترقی تے ہے ۔
