ملتان۔14دسمبر(اے پی پی) جنوبی پنجاب دے سرکاری سکولاں اچ سالانہ امتحانات اچ موثرنتائج دے حصول کیتے امتحانی ایمرجنسی نافذکرݙتی ڳئی ، ہرطالب علم دا تفصیلی پروفائل تیارکرݨ تے طلبہ دی تعلیمی کارکردگی بہتربماوݨ کیتے موک امتحانات دا انعقادلازمی قرارݙے ݙتا ڳئے ۔ایجوکیشن سیکرٹریٹ جنوبی پنجاب موجب بیرسٹرڈاکٹر احتشام انور میٹرک اتے ٻیاں کلاساں دے امتحانات اچ موثر نتائج گھنݨ کیتے 12 ضلعیں دے سرکاری سکولاں اچ امتحانی ایمرجنسی نافذ کرݙتی اے جیں دے تحت سکول سربراہان کوں طلبہ دی تعلیمی کارکردگی بہتربݨاوݨ تے سکولاں دی استعداد جانچݨ دے جدید طریقہ ہائے تدریس توں بھرپور فیدے کیتے موک امتحانات دے انعقاد تے سارے جسٹرڈ ٻالاں دی بورڈ دے امتحانات اچ شرکت یقینی بݨاوݨ دی ہدایت جاری کیتیاں ڳئن۔
