اسلام آباد۔15دسمبر (اے پی پی):سٹیٹ بینک آکھیے پاکستانی تارکین وطن نومبر2022 اچ 2 ارب 10 کروڑ ڈالرز دی ترسیلات زر کیتن۔ بینک دی طرفوں جاری اعداد و شمار موجب گزریل مہینے سعودی عرب (498 ملین ڈالر)، متحدہ عرب امارات (377.8 ملین ڈالر)، برطانیہ (299.1 ملین ڈالر) اتے امریکا اچ رہݨ آلے پاکستانیاں (229.4 ملین ڈالر) دی ترسیلات زر کیتن۔ مالی سال دے ابتدائی 5 مہینے ( جولائی توں نومبر)دی مجموعی ترسیلات زر دا حجم 12 ارب ڈالر رہیا جیڑھا جو گزریل سال دے ایں عرصے دے مقابلے اچ 9.6 فیصد گھٹ اے ۔ جولائی توں نومبر سعودی عرب توں بھیجی ڳئی رقم 13.2 فیصد گھٹ تھی تے 2.95 ارب ڈالر، عرب امارات توں بھیجی ڳئی ترسیلات 11.3 فیصد گھٹ تھی تے 2.26 ارب ڈالر رہین۔ ٻئے عرب ملکاں، یورپی یونین اتے برطانیہ توں 5 مہینے اچ ترسیلات گھٹ تھئن جݙاں جو امریکا توں ترسیلات زر اچ 4.3 فیصد ودھارا تھئے۔
