اسلام آباد۔15دسمبر(اے پی پی):وفاقی وزیر داخلہ رانا ثناءاللہ شمالی وزیرستان دے علاقے میرانشاہ اچ خود کش دھماکے دی مذمت کریندے ہوئیں آکھیے جو دہشت گرداں دا پیچھا کریسوں تے انہاں دے مذموم مقاصد کوں ناکام بݨیسوں ۔ آپݨے ھک بیان اچ وفاقی وزیر داخلہ ثناءاللہ خان آکھیے جو حوالدار محمد امیراتے ھک شہری دی شہادت تے ٻہوں ݙکھ تے افسوس اے ۔ انہاں آکھیے خیبر پختونخوا اچ امن وامان دی صورتحال تے وفاق کوں شدید تشویش اے۔ انہاں آکھیے ساݙی سکیورٹی فورسز دہشت گرد کارروائیاں دا قلع قمع کرݨ دی بھرپور صلاحیت رکھیندی اے ۔انہاں آکھیے شہدا دیاں قربانیاں ضائع نہ ویسن، پاکستانی قوم اپݨی سکیورٹی فورسز دے رلے کھڑی اے ۔ انہاں آکھیے وطن دی خاطر جان ݙیوݨ آلیں کوں پوری قوم خراج تحسین پیش کریندی اے تے انہاں دی جرات کوں سلام پیش کریندوں ۔
