اسلام آباد۔16دسمبر(اے پی پی) وفاقی وزیر اطلاعات و نشریات مریم اورنگزیب آکھیے جو اٹھ سال لنگھݨ دے باوجود اساں سانحہ اے پی ایس کوں نی بھل سڳیے۔ بزدل شرپسند عناصر قوم دے مستقبل، نہتے نکے ٻالاں تے حملہ کرتے انہاں کوں شہید کیتا، ایں ݙینھ کوں یاد کرتے کوئی آپݨیاں ہنجوں نی روک سڳدا ۔ سانحہ اے پی ایس دے شہداء دے اٹھویں ورھیݨے دے موقع تے آپݨے سنھیے اچ وفاقی وزیر اطلاعات آکھیے جو سانحہ اے پی ایس دے شہداء پوری قوم کوں دہشت گردی دے خلاف ھک مٹھ کیتے ، 16 دسمبر دا ݙینھ آرمی پبلک سکول دے شہداءدی عظیم قربانیاں دی ہمیشہ یاد ݙویندا رہسی۔ انہاں آکھیے بحیثیت قوم اساں دہشت گردی کوں ہراوݨ کیتے لمبا سفر طے کیتے، اساں پاکستان اچ دیرتئیں امن تے ترقی دے پاسے ٹردے پیوں ۔ انہاں دعا کیتی جو اللہ تعالیٰ آرمی پبلک سکول دے شہداءدے درجات اچے کرتے تے انہاں دے خاندان کوں صبرِ ݙیوے۔
