اسلام آباد۔16دسمبر(اے پی پی)وزیر اعظم محمد شہباز شریف آکھیے جو ملک اچ انفارمیشن ٹیکنالوجی، ٹیلی مواصلات، توانائی، زراعت، فوڈ پراسیسنگ، لائیو اسٹاک، سیاحت اتے قدرتی وسائل دے شعبیاںا چ سرمایہ کاری دے مواقع ہین، حکومت غیر ملکی سرمایہ کاراں کوں ودھ سہولتاں ݙیسی۔ اے ڳالھ انہاں مصر دی کاروباری شخصیت نجیب ساویرس دی اڳواݨی اچ وفد نال الیندے آکھی۔ نجیب ساویرس وزیراعظم کوں پاکستان اچ اپݨے بزنس گروپ ولوں ٹیلی کمیونیکشن اتے رئیل اسٹیٹ اچ سرمایہ کاری دا ݙسایا اتے ٻئے شعبیاں خاص کر کان کنی اچ سرمایہ کاری کرݨ دی دلچسپی ݙکھائی۔
