لاہور۔17دسمبر(اے پی پی) وفاقی وزیر ہوابازی وریلوے خواجہ سعد رفیق آکھیے پی آ ئی اے کوں منافع بخش ادارہ بݨاوݨ کیتے جدو جہد کریندے پئن ،ادارے کیتے نویں جہاز مل گھنݨ دیاں کوششاں وی جاری ہن ۔ پی آ ئی اے دا ریونیو ودھیسوں تے خرچے پورے تھیسن ۔ روز ویلٹ ہو ٹل ویچݨ دی کوئی تجویز زیر غور کائنی،پی آ ئی اے دی بہتری کیتے ٹھوس اقدامات کیتے ویندے پئن ، ریل دے کرائے خوشی نال نی ودھائے ۔ اے ڳالھ انہاں ہفتے کوں اتھاں ریلوے ہیڈکوارٹرز اچ پریس کانفرنس توں خطاب کریندے ہوئیں آکھی اے ۔ انہاں آکھیے پی آ ئی اے دے فلیٹ اچ بوئنگ777 طیارے وختی شامل تھی ویسن ، روز ویلٹ ہو ٹل کوں ویچݨ دی حکومت دی کوئی تجویز زیر غور کائنی تے روز ویلٹ ہو ٹل توں پاکستانی جھنڈا لہاوݨ دے حوالے نال کھنڈائی ونڄݨ آلی خبر وی کوڑی اے ۔ اے ھک پراپیگنڈا اے۔انہاں آکھیے پاکستان دا جھنڈا روز ویلٹ ہوٹل تے اوں ویلھے لاتا ویندے جݙاں کوئی پاکستان دا وزیر اعظم یا صدر اتھاں قیام کریندے جݙاں جو عام ݙینھاں اچ اتھاں ھک جھنڈا یو ایس اے اتے ھک روز ویلٹ ہوٹل دا ہوندے ۔
