اسلام آباد۔17دسمبر(اے پی پی) وفاقی وزیر ماحولیاتی تبدیلی سینیٹر شیری رحمان آکھیے اڄ کل عمران خان دعویٰ کریندے پئن جو انہاں دی حکومت اچ کرپشن دا کوئی کیس کائناں ہئی ،شروع توں چھیکڑ تئیں تحریک انصاف دی حکومت کرپشن سکینڈلز دی اٹھ اچ رہی۔ انہاں دے دور اچ پاکستان کرپشن انڈیکس اچ 23 ویں نمبر تے ڳیا تے ول وی عمران خان اپݨی حکومت دی کرپشن دا دفاع کریندے رہیے ۔ شیری رحمان آکھیے تحریک انصاف دی وفاقی اتے صوبائی حکومتاں دے کرپشن سکینڈلز دی لمبی فہرست موجود اے، اے خود بدعنوانیاں اچ ملوث ہووݨ دی وجہ توں نااہل تھئن ، سو چوہے کھا تے وی ٻلی حج کوں ٹرپئی ۔ ٻاہرلی سازش دا بیانیہ ناکام تھیوݨ دے بعد ھک واری ول اپݨا کرپشن دا کھوکھلا بیانیہ زندہ کرݨ دی کوشش کریندے پئن ۔ شیری رحمان آکھیے عمران خان سابق آرمی چیف تے مسلسل الزام لاتے جݙاں جو اقتدار اچ آوݨ کیتے نویں آرمی چیف دی منت ترلہ کریندے پئن ۔ وفاقی وزیر آکھیے انہاں کوں آپݨی ذات دے علاوہ کہیں دی پرواہ کائںی، ذاتی سیاسی مستقبل کیتے انہاں آپݨے ہی ارکان دا سیاسی مستقبل دائو تے لاتا ہویا اے ۔
