اسلام آباد۔17دسمبر(اے پی پی):وزیرداخلہ راناثنااللہ آکھیے جو پارلیمنٹ دا تسلسل پاکستان اتے معیشت دی لوڑھ اے ۔ عمران خان دا ایجنڈا الیکشن نی بلکہ معیشت دا دھڑن تختہ کرݨا اے ، انہاں کوں فارن فنڈنگ معیشت دی تباہی تے سیاسی عدم استحکام کیتے ݙتی ڳئی اے ۔ عمران نیازی اتے پرویزالہی دا مقابلہ آپت اچ ہے ݙٰیکھݨا اے ہے جو یوٹرن کون گھندے تے سمارٹ ٹرن کون؟۔اے ڳالھ وزیرداخلہ راناثنااللہ عمران خان دی اسمبلیاں دے تحلیل دے متوقع اعلان تے تبصرہ کریندے ہوئیں آکھی اے۔ انہاں آکھیے اتحادیاں ھک ݙوجھے دی قسمت دا فیصلہ لکھݨا اے۔ وزیر داخلہ آکھیے عمران خان دے آکھݨ تے جیں ایف آئی آر درج نہ کیتی، او اسمبلیاں بھن ݙیسی؟ ۔ انہاں آکھیے اسمبلیاں بھنے یا نہ بھنے ہر صورت اچ سیاسی نقصان عمران خان دا اے۔ رانا ثنا اللہ آکھیے فتنہ، فساد اتے انتشار صرف پاکستان دی معیشت دا ضیان کریندا پئے، پارلیمنٹ دا تسلسل پاکستان اتے معیشت دی لوڑھ اے۔ انہاں آکھیے الیکشن تھی وی ونڄن تاں ول وی عمران خان دی فسادی سوچ بہ بدلسی ۔
