اسلام آباد۔19دسمبر(اے پی پی)صدر مملکت ڈاکٹر عارف علوی نال اٹلی کیتے پاکستان دے نامزد سفیر علی جاوید ایوان صدر اسلام آباد اچ ملین۔ صدر مملکت تعیناتی تے مبارک ݙیندے امید کیتی جو علی جاوید پاکستان اتے اٹلی دے تعلقات ٻئے تکڑے کرݨ اتے مختلف شعبیاں اچ تجارت و سرمایہ کاری سانڳے تعاون ودھاوݨ کیتے ودھ کردار ادا کریسن۔ صدر مملکت آکھیا جو پاکستان اتے اٹلی وچال دفاع، زراعت، انفارمیشن ٹیکنالوجی سودھا صنعتی شعبے اچ ڳانݙھاوݨ دی لوڑھ اے۔ انہاں ہدایت کیتی جو اٹلی اچ پاکستانی سفیر اتے متعلقہ عملہ اپݨا سارا زور اٹلی اچ وسݨ آلے پاکستانیاں دے مسلے حل کرݨ اتے سوکھ ݙیوݨ کیتے لا ݙیون۔
