اسلام آباد۔19دسمبر(اے پی پی)وزیراعظم محمد شہباز شریف توانائی دے شعبے اچ گردشی قرضے ڳھاوݨ، اصلاحات مکمل کرݨ، اتے بجلی و گیس صارفین کوں سوکھ ݙیوݨ دی ہدایت ݙیندے آکھیا جو مؤثر حکمت عملی نال ایں مسئلہ تے قابو پاتا ویسی، توانائی بچت پلان منگل کوں وفاقی کابینہ اجلاس اچ پیش کیتا ویسی۔ اے ڳالھ انہاں توانائی دے شعبے بارے اعلیٰ سطح اجلاس دی اڳواݨی کریندے آکھی۔ اجلاس اچ بجلی و گیس دے شعباں اچ گردشی قرضے تے قابو پاوݨ دے جامع حکمت عملی تے غور تھیا۔ وزیراعظم آکھیا جو توانائی دے شعبے اچ موجود گردشی قرضے ڳھنٹݨے چاہیدن، اصلاحات مکمل تھیوݨیاں چاہیدن جو گردشی قرضہ مرحلہو ار ڳھٹ تے مک ونجے، سوئی گیس دی تقسیم کار کمپنیاں بلاں دی ریکوری نظام کوں بہتر کرن۔ انہاں محصولات ودھاوݨ دی وی دہایت کیتی۔
