اسلام آباد۔19دسمبر(اے پی پی)پاکستانی کرنسی اچ ملکی برآمدات جاری مالی سال دے پہلے 5 مہینے اچ سالانہ بنیاداں تے 28.43 فیصد شرح نمو ݙکھائی اے۔ پاکستان بیورو برائے شماریات ݙساعے جو جولائی توں نومبر 2022 تئیں پاکستانی کرنسی اچ برآمدات دا حجم 2661304 ملین روپے ریکارڈ کیتا ڳعے جیڑھا پچھلے مالی سال دے ایں عرصے دے مقابلے اچ 28.43 فیصد ودھ اے۔ پچھلے مالی سال دی ایں مد اچ ملکی برآمدات دا حجم 2072145 ملین روپے ریکارڈ کیتا ڳئے۔ نومبر 2022 اچ ملکی برآمدات اچ سالانہ بنیاد تے5.89 فیصد دی نمو یکارڈ تھئی۔ نومبر اچ ملکی برآمدات دکا حجم 531599 ملین روپے ریکارڈ تھیا جیڑھا پچھلے سال نومبر اچ 502009 ملین روپے ھا۔ اکتوبر دے مقابلہ اچ نومبر اچ ملکی برآمدات ماہانہ بنیاد تے1.10 فیصد دی نمو ݙکھائی۔ اکتوبر اچ ملکی برآمدات دا حجم 525838 ملین روپے ھا جیڑھا نومبر اچ ودھ تے 531599 ملین روپے تھی ڳئے۔
