اسلام آباد۔21دسمبر(اے پی پی)وزیراعظم محمد شہباز شریف آکھیے جو حکومت توانائی دے تحفظ کیتے قابل تجدید توانائی وسائل تے توجہ ݙیندی پئی اے، توانائی دی بچت پلان تے مؤثر عملدرآمد نال قیمتی وسائل بچاوݨ اتے توانائی بحران نال نمٹݨ اچ مدد ملسی۔ اپݨے ٹویٹ اچ انہاں آکھیا جو اتحادی حکومت قابل تجدید وسائل نال انرجی مکس تے کم کریندی پئی اے جیڑھا توانائی دے تحفظ اتے مقامی وسائل تے انحصار ودھیسی، عام لوکاں کوں سوکھ ملسی اتے قیمتی زرمبادلہ بچاوݨ اچ مدد ملسی۔ انہاں آکھیا جو کابینہ توانائی دے تحفظ دے منصوبے تے سنجیدگی نال غور کیتے اتے ایندی منظوری صوبیاں کوں اعتماد اچ ڳھنݨ دے بعد کیتی ویسی۔ انہاں آکھیا جو اڄ ملک اچ غیر معمولی حالات اچ بالکل غیر معمولی اقدامات دی لوڑھ اے۔
