پاکستان مسلم ملکاں اچ ورچوئل، علامہ اقبال اوپن یونیورسٹی دے تعلیمی ماڈلز اتے آن لائن تعلیمی خدمات ݙے سڳدے، صدر مملکت ڈاکٹر عارف علوی

APP53-211222 ISLAMABAD: December 21 - Coordinator-General of the Ministerial Standing Committee on Scientific and Technological Cooperation of the OIC (COMSTECH), Professor Dr. Iqbal Choudhary, calls on President Dr. Arif Alvi, at Aiwan-e-Sadr. APP/IQJ/TZD/ABB

اسلام آباد۔21دسمبر(اے پی پی)صدر مملکت ڈاکٹر عارف علوی کامسٹیک ولوں ڳھٹ ترقی یافتہ مسلم ملکاں اچ ہنر اتے صحت دی سہولتاں ݙیوݨ دے اقدامات دی تعریف کریندے افغانستان اچ طلباء کوں آن لائن و ریکارڈ شدہ تعلیم ݙیوݨ تے زور ݙتے اتے آکھیے جو ایں سانڳے پاکستان مسلم ملکاں اچ ورچوئل، علامہ اقبال اوپن یونیورسٹی دے تعلیمی ماڈلز اتے آن لائن تعلیمی خدمات ݙے سڳدے۔ اے ڳالھ انہاں او آئی سی دی وزارتی قائمہ کمیٹی سائنسی و تکنیکی تعاون (کامسٹیک) دے کوآرڈینیٹر جنرل پروفیسر ڈاکٹر اقبال چوہدری نال ملݨ ویلھے آکھی۔ صدر مملکت کامسٹیک تے زور ݙتے جو او افغانستان اچ طلباء کوں آن لائن اتے ریکارڈ شدہ تعلیم ݙیوے جیندے نال طلبا دیاں علمی صلاحیتاں ودھسن، انہاں اقدامات نال افغانستان کوں درپیش تعلیمی سہولتاں دی کمی پوری کرݨ اچ مدد ملسی۔ صدر مملکت ٻئے اسلامی ملکاں اچ سائنس و زراعت دے شعباں اچ بہترین طریقیاں کوں ماڈل دے طور تے اپناوݨ اتے پاکستان اچ انہاں دی نقل کرݨ تے وی زور ݙتا۔

متعلقہ مضامینمصنف کی طرف سے مزید