اسلام آباد۔22دسمبر(اے پی پی) سپیکر قومی اسمبلی راجہ پرویز اشرف خمیس کوں پارلیمنٹ ہائوس اچ مسیحی برادری توں تعلق رکھݨ آلے قومی اسمبلی، سینیٹ اتے سی ڈی اے دے ملازمین دے اعزاز اچ کرسمس دی مناسبت نال منعقدہ تقریب اچ بطور مہمان خصوصی شرکت کیتی۔تقریب اچ ممبر قومی اسمبلی آسیہ عظیم، سیکرٹری قومی اسمبلی طاہر حسین، ایڈیشنل سیکرٹری چوہدری مبارک علی، ایڈیشنل سیکرٹری قانون سازی محمد مشتاق، ڈائریکٹر جنرل آئی آر وسیم اقبال چوہدری وی شریک ہن ۔ سپیکر کرسمس دے پر مسرت موقع تے مسیحی برادری کوں مبارخ ݙیندے ہوئیں آکھیے مسیحی برادری دیاں خوشیاں دے ایں تہوار اچ برابر دے شریک ہیسے تے مسیحی برادری نال مکمل یکجہتی دا اظہار کریندوں۔انہاں آکھیے پاکستان دی ترقی تے خوشحالی اچ مسیحی برادری دا کردار کلیدی اہمیت رکھیندے ۔ سپیکر قومی اسمبلی آکھیے آئین پاکستان ملک اچ وسݨ آلی اقلیتی برادری کوں ھکو سویں حقوق ݙیندے ۔
