اسلام آباد۔22دسمبر(اے پی پی) صدر مملکت ڈاکٹرعارف علوی آکھیے پاکستان اتے یونان وچال تجارت کوں حقیقی صلاحیت تئیں ودھاوݨ دی لوڑھ اے ، پاکستان تے یونان دے چیمبرز آف کامرس وچال نیڑے رابطے ودھاوݨ نال ݙو پاسے تجارت تے سرمایہ کاری ودھارے اچ مدد ملسی ۔ اے ڳالھ انہاں خمیس کوں یونان اچ پاکستان دے نامزد سفیر محمد عامر آفتاب قریشی نال ملاقات اچ آکھی اے ۔ صدر مملکت آکھیے نامزد سفیر پاکستان تے یونان وچال تجارتی اتے اقتصادی تعلقات کوں ودھاوݨ کیتے کم کرن ، پاک ۔یونان تجارت کوں حقیقی صلاحیت تئیں ودھاوݨ دی لوڑھ اے ۔ انہاں آکھیے روایتی شعبیں دے علاوہ تعاون دے نویں شعبیں دی نشاندہی کیتی ونڄݨی چاہیدی اے ، پاکستان تے یونان دے چیمبرز آف کامرس دے درمیان نیڑے رابطے ودھاوݨ نال ݙو پاسے تجارت تے سرمایہ کاری دے ودھارے اچ مدد مل ویسی۔ انہاں آکھیے نامزد سفیر یونان دے بہترین سیاحتی طریقیں کوں مثال بݨاون ، نامزد سفیر یونان تے پاکستان دی سیاحتی صنعتاں دے درمیان رابطے پیدا کرݨ دی کوشش کرن ۔ صدر مملکت آکھیے یونان اچ پاکستان دے سفیر پاکستانی کمیونٹی نال مستقل رابطہ رکھن ، کونسلر خدمات دے سلسلے اچ مسئلے حل کرن ، نامزد سفیر پاکستان اچ نادرا تے پاسپورٹ آفس نال نیڑے رابطے ودھاون ۔ صدر مملکت نامزد سفیر کوں یونان اچ سفیر دے طور تے تقرری تے مبارخ ݙتی ۔
