اسلام آباد۔22 دسمبر(اے پی پی)وفاقی وزیر توانائی انجینئر خرم دستگیر خان 500 کے وی ایچ وی اے سی گرڈ سٹیشن نوشہرہ دا منݙھ ٻدھ ݙتے اتے کاسا 1000 توانائی منصوبے دے تحت ایچ وی ڈی سی کنورٹر سٹیشن تے تعمیراتی کم دی پیش رفت دا جائزہ وی ڳھدے۔ منیجنگ ڈائریکٹر نیشنل ٹرانسمیشن اینڈ ڈسپیچ کمپنی (این ٹی ڈی سی) ݙسائے جو گرڈ سٹیشن 4.3 ارب روپے دی لاگت نال ورلڈ بنک دی مالی معاونت نال ٻݨدا پئے، منصوبے نال 1300 میگاواٹ سستی اتے ماحول دوست بجلی کرغزستان، تاجکستان توں افغانستان دے رستے پاکستان درآمد کیتی ویسی۔ اے کنورٹر سٹیشن 205 ملین امریکی ڈالر نال ٻݨسی جیندا 74 فیصد کم مکمل تھی چکیے، این ٹی ڈی سی طورخم بارڈر توں اضاخیل بالا کنورٹر سٹیشن تئیں 113 کلومیٹر طویل، بائی پولر500KV ایچ وی ڈی سی ٹرانسمیشن لائن ٻݨیدا پئے ڄݙاں جو 500 کے وی ایچ وی ڈی سی ٹرانسمیشن لائن دا 67 فیصد کم مکمل تھی چکیے۔
