اسلام آباد۔23دسمبر(اے پی پی) وفاقی وزیر اقتصادی امور سردار ایاز صادق آکھیے پاکستان اتے قازقستان وچال ݙو طرفہ سانجھے تعلقات ہن، ݙوہیں ملکاں وچال تجارت ودھاوݨ تے سرمایہ کاری دے مواقع ہن، پاکستان اچ سیاحت، کلچرل سرمایہ کاری کوں ودھارا ݙیوݨا اے ،پاکستان اتے قازقستان دا زرعی شعبہ جی ڈی پی دا 20 فیصد ہن۔اے ڳالھ انہاں پاکستان اتے قازقستان بین الحکومتی جوائنٹ کمیشن دے 11 ویں سیشن دی تقریب توں خطاب کریندے ہوئیں آکھی اے ۔ ایاز صادق آکھیے قازقستان پاکستان اچ زرعی شعبے اچ سرمایہ کاری کرسڳدے ، پاکستان اتے قازقستان وچال بذریعہ روڈ کنیکٹویٹی اے، ایاززراعت، سائنس و ٹیکنالوجی، ویلیو ایڈیشن اچ تعاون دے موقع موجود ہن ،ݙوہیں ملکاں وچال روڈ، ریل اتے فضائی شعبے اچ رابطے ودھاوݨ ٻہوں اہم اے ۔ وفاقی وزیر ایاز صادق آکھیے پاکستان تے قازقستان وچال تجارت کوں بہتر کرݨ کیتے لائحہ عمل تیار کرݨ دی اہمیت کوں اجاگر کیتا ونڄݨا چاہیدے ۔ وفاقی وزیر آکھیے 2022 اچ ݙوہیں ملکاں دا تجارتی حجم صرف 163 ملین ڈالر ریکارڈ کیتا ڳئے ، جیں اچ پاکستان توں 163 ملین ڈالر دی برآمدات اتے قازقستان توں 56 ملین ڈالر دی درآمدات شامل ہن ۔
