غیر معمولی جرات و بہادری تے عدیل حسین شہید کوں ’’تمغہ شجاعت‘‘ ݙیوݨ دا فیصلہ کیتے، بیوہ کوں اسلام آباد پولیس اچ بھرتی کیتا ویسی، وفاقی وزیر داخلہ رانا ثنا اللہ خان

اسلام آباد۔23دسمبر(اے پی پی)وفاقی وزیر داخلہ رانا ثناءاللہ آکھیے جو غیر معمولی جرات و بہادری اتے فرض شناسی تے اسلام آباد پولیس دے ہیڈ کانسٹیبل عدیل حسین شہید کوں ‘تمغہ شجاعت’ ݙیوݨ دا فیصلہ کیتے، شہید عدیل حسین دی بیوہ کوں اسلام آباد پولیس اچ بھرتی کیتا ویسی، بیوہ کوں فوری مکمل شہدا پیکج ݙتا ویسی جیندے اچ ہک کروڑ 65 لکھ نقد اتے ہک پلاٹ وی ݙتا ویندے۔ وزیر داخلہ آکھیے جو عدیل حسین وفاقی دارالحکومت کوں دہشت گردی دے وݙے حملے توں بچاوݨ دی کوشش اچ جان ݙتی اے، ایں عظیم قربانی دا ریاستی سطح تے اعتراف کریندے انہاں کوں اعزاز ݙیوݨ دا فیصلہ کیتے، شہید دی مدت ملازمت پوری تھیوݨ تئیں پوری تنخواہ وی بیوہ کوں ملدی رہسی، شہید دے ٻالاں دی تعلیم اتے شادی دے اخراجات وی سرکار ݙیسی، شہدا دی عزت وتکریم اتے انہاں دے اہل خانہ دی ݙیکھ بھال ریاست دی ذمہ داری اے۔