کراچی۔25دسمبر(اے پی پی)صدر مملکت ڈاکٹر عارف علوی بابائے قوم قائداعظم محمد علی جناح دے مزار تے حاضری ݙتی اتے انہاں دے 146ویں ڄمݨ ݙینھ تے انہاں کوں خراج عقیدت پیش کیتے۔ صدر مملکت ملک دی ترقی و خوشحالی کیتے دعا وی منڳی اتے مہماناں دی کتاب اچ اپݨے تاثرات ݙیندے انہاں قائد دے افکار اپناوݨ دا عزم دوہرایا۔ بعد اچ میڈیا نال الیندے انہاں آکھیا جو قوماں ہک مٹھ تھی تے ہمیشہ وݙی سوچ پاروں ترقی کریندن، ساکوں پاکستان دی ترقی اتے استحکام کیتے بابائے قوم دے سنہری اصولاں کوں اپناوݨا ہوسی، مملکت خداداد دا ٻݨݨ قائداعظم دی سیاسی جدوجہد دا نتیجہ اے، نینگر قائد دے ݙسائے اصولاں تے قوم دی تعمیر ساݙی اصل منزل اے۔
