اسلام آباد۔26دسمبر(اے پی پی سرائیکی نیوز سروس) اکادمی ادبیات ولوں مکالمے اچ قائداعظم تے سرائیکی وسیب تے گالھ کریندے ہوئے ڈاکٹر سعدیہ کمال دا آکھنڑ ہا جو 3اکتوبر 1947 کوں بہاول پور پہلی ریاست ہئی جیں پاکستان نال الحاق کیتا ہا ۔۔پاکستان دی پہلی تنخواہ سانگے نواب آف بہاول پور 7 کروڑ دی رقم ڈتی ہئی کیونجو خزانہ خالی ہا تانجو قلم اچ سیاہی دے پیسے تئیں نہ ہن ایں گالھ دا اظہار قائداعظم محمد علی جناح خود کیتا ہئی “جس قلم سے لکھ رہا ہوں اس کی سیاہی کے پیسے بہاول پور ریاست نے دئیے ہیں” قائداعظم پہلے گورنر جنرل دا حلف گھننڑ جیڑھی شاہی سواری اتے گئے او وی نواباں دی ہئی تے اج وی میریٹ ہوٹل اسلام آباد تے پرل کانٹینیٹل لہور اچ نواباں دیاں ڈتیاں رولز رائس گاڈیاں ڈیکھ سگدے ہیوے اتے قائد کوں وی نواب ولوں رولز رائس گاڈی ڈتی گئی ہئی ۔قائداعظم نواب آف بہاول پور کوں محسن پاکستان دا لقب ڈتا ہا اکادمی ادبیات پاکستان اسلام آباد اچ قائداعظم دے 146 ویں یوم پیدائش تے اظہار خیال جیندا اہتمام چئیرمین جناب ڈاکٹر یوسف خشک کیتا میزبانی قائداعظم یونیورسٹی دے اسسٹنٹ پروفیسر ڈاکٹر منظور ویسریو کیتی ۔۔صدارت جناب ڈاکٹر احسان اکبر اتے مہمان خصوصی سینئر صحافی جناب جبار مرزا ہن ۔۔جڈاں جو نمل ، اوپن یونیورسٹی اتے ملک بھر توں مہمان سپیکراں آن لائن آپدیاں زباناں دے حوالے تے قائد دی حیاتی دے وکھو وکھ پہلوئواں دے حوالے نال گالھ مہاڑ کیتی۔
