اسلام آباد۔30دسمبر(اے پی پی) اسلام آباد ہائیکورٹ الیکشن کمیشن دا فیصلہ کالعدم قرار ݙیندے بلدیاتی انتخابات شیڈول دے مطابق 31 دسمبر کو ہی کراوݨ دا حکم ݙتے۔ عدالت، الیکشن کمیشن دے فیصلے دے خلاف پی ٹی آئی اتے جماعت اسلامی دی درخواستاں تے مختصر تحریری فیصلہ جاری کریندے آکھیے جو الیکشن کمیشن دا 27 دسمبر دا فیصلہ کالعدم کیتا ویندے، اسلام آباد دے بلدیاتی انتخابات شیڈول دے مطابق کرائے ونڄن۔ اسلام آباد ہائیکورٹ آکھیے جو وفاقی حکومت انتخابات کیتے الیکشن کمیشن دا پورا ہتھ ونݙاوے۔ پی ٹی آئی اتے جماعت اسلامی دی درخواست تے محفوظ فیصلہ جسٹس ارباب محمد طاہر پڑھ تے سݨائے۔ تفصیلی فیصلہ بعد اچ جاری کیتا ویسی۔
