سرائیکی ھک امیر تہذیب و ثقافت دی مالک تے امیر ترین زبان اے ،پروفیسر ڈاکٹر ممتاز بلوچ

اسلام آباد۔31دسمبر(اے پی پی سرائیکی نیوز سروس) ایسوسی ایٹ پروفیسر،سرائیکی دیپارٹمنٹ اسلامیہ یونیورسٹی بہاولپور ڈاکٹر ممتاز بلوچ آکھیے سرائیکی ھک امیر تہذیب و ثقافت دی مالک تے امیر ترین زبان اے ۔انہاں آکھیے اساں ھک کوشش کیتی جیڑھا ایندا ھک معاشی پہلو اے اینکوں ایندے نال جوڑوں۔ انہاں آکھیے ڈاکٹر جاوید چانڈیو دی سربراہی اچ اساں ایں کم کوں شروع کیتا تے الحمد اللہ اساں پچھلے20 سالاں دے وچ سن ݙو ہزار توں میکوں موقع ملیا جݙاں میں پڑھاوݨ شروع کیتا میکوں یاد جیڑھے میݙے کلاس فیلو ہن اساں چوݙاں لوک ہاسے ۔ انہاں آکھیے سن ݙوہزار 11 وچ اساکوں پوسٹاں ملیاں ۔ جیویں زبان معاش نال جڑی اے تے لوک آپݨی زبان کوں آپݨے کلچر کوں پسند کریندن۔ انہاں آکھیے پہلے لوک سرائیکی ہووݨ دے باوجود وی ہچکچاہٹ محسوس کریندے ہن لوکیندے ہن لیکن ہݨ صورت حال بدل ڳئی اے۔انہاں آکھیے ایویں سرائیکی دے جیڑھے لیکچر ہن او 100+ اچ ہن اساں کنے بہترین بی ایس پروگرام چلدا پئے، اساں کنے بہترین ایم فل پروگرام چلدا پئے اتے اساں کنے بہترین پی ایچ ڈی پروگرام وی چلدا پئے۔انہاں آکھیے ساݙے بی ایس سمیسٹر وچ 43 سٹوڈنٹس ہن جیڑھی جو اساں کنے ایندے توں پہلے کݙاہیں وݙی تعداد کائنی آئی۔ انہاں آکھیے اے ڳالھ میں فخر نال آکھݨ چاہنداں جو ایں ویلھے پی ایچ ڈی دے اساں کنے 32سٹوڈنٹس ہن ۔ انہاں آکھیے ہݨ جیڑھا وی سرائیکی ہے او سرائیکی ٻولݨ الاوݨ اچ فخر محسوس کریندا پئے تے ہݨ او آپݨے کلچر نال محبت کریندے ۔ انہاں آکھیے اساݙا پروگرام کامیابی نال جاری اے تے آوݨ آلے ݙینھاں اچ اینکوں مزید اپمپرو کریسوں۔