واشنگٹن ۔ 5 دسمبر (اے پی پی) امریکا دی سپریم کورٹ آکھیے جو صدر ڈونلڈ ٹرمپ ولوں 6 مسلم اکثریتی ملکاںدے شہریاں دے امریکا آونڑ تے لائی گئی پابندی مکمل طور تے نافذ العمل تھی سگدی ہے۔برطانوی نشریاتی ادارے موجب امریکی سپریم کورٹ دے 9 وچوں 7 ججاں امریکی انتظامیہ دی سفری پابندیاں دی درخواست منظور کریندے ہوئیں آکھیے جو ماتحت عدالتاں ولوں صدر ٹرمپ دے حکم تے لائیاں گئیاں پابندیاں کوں ہٹاڈیونڑاں چاہیدے ۔ چاڈ، ایران، لیبیا، شام، صومالیہ اتے یمن توں سفر کرنڑ آلے لوکیں تے پابندیاں دے حوالے نال ہنڑ وی قنونی چیلنج موجود ہن۔امریکی سپریم کورٹ ولوں سنڑائے گئے ایں فیصلے دے بعد ایںمعاملے کو ہنڑ ایں ہفتے سان فرانسسکو، کیلیفورنیا اتے رچمنڈ دیاں وفاقی عدالتاں وچ وی سنڑا یا ویسی ۔واضح رہوے جو صدرٹرمپ گزریل سال جنوری وچ عہدہ سنبھالنڑ دے بعد ہک متنازع پالیسی دے تحت ترائے حکم نامے جاری کیتے ہن جیندے تحت ست مسلم اکثریتی وکھنڑ آلے ملکاں دے شہریاں دے امریکہ آ ونڑ تے پابندیاں لا ڈتیاں گئیاں ہن۔
