اسلام آباد۔6جنوری(اے پی پی) روشن ڈیجیٹل اکائونٹس دے ذریعے سمندرپارپاکستانیاں دی ترسیلات زردا حجم 5.6 ارب ڈالر جݙاں جو سرمایہ کاری داحجم 3.5 ارب ڈالرتئیں پڄ ڳئے ۔ سٹیٹ بینک دے اعدادوشمارموجب دسمبر2022 اچ سمندرپارپاکستانیاں روشن ڈیجیٹل اکائونٹس دے ذریعہ 140 ملین ڈالردازرمبادلہ ملک ارسال کیتے جیں دے بعد آرڈی اے دے ذریعہ سمندرپارپاکستانیاں دی ترسیلات زرداحجم 5.6 ارب ڈالرتئیں پڄ ڳئے ۔ اعدادوشمارموجب دسمبراچ سمندرپارپاکستانیاں مزید12225 اکائونٹس کھولیے جیں دے بعد آرڈی اے دے کھاتہ داراں دی تعداد 511159 تھی ڳئی ۔سٹیٹ بینک دے مطابق روشن ڈیجیٹل اکاونٹس دے ذریعہ سمندرپارپاکستانیاں دی سرمایہ کاری داحجم 3.5 ارب ڈالرتھی ڳئے ، دسمبراچ سمندرپاکستانیاں روشن ڈیجیٹل اکائونٹس دے ذریعہ 68 ملین ڈالردی سرمایہ کاری کیتی جیں دے بعد آرڈی اے دے ذریعہ سمندرپارپاکستانیاں دی سرمایہ کاری داحجم 3.5 ارب ڈالرتھی ڳئے ۔ سمندرپارپاکستانیاں ہݨ تئیں روایتی نواں پاکستان سرٹیفکیٹس اچ 1.77 ارب ڈالر، نواں پاکستان اسلامی سرٹیفکیٹس اچ 1.72 ارب ڈالر تے پاکستان سٹاک ایکسچینج اچ 48 ملین ڈالردی سرمایہ کاری کیتی اے ۔
