اقوام متحدہ ۔6جنوری(اے پی پی) اقوام متحدہ پاکستان دے صوبہ خیبرپختونخوا دے ضلع ڈیرہ اسماعیل خان اچ پولیو ورکرز دی حفاظت تے مامور پولیس وین تے حملے دی مذمت کیتی اے ، جیں اچ مبینہ طورتے 5 پولیس اہلکار زخمی تھئے ہن ۔اقوام متحدہ دے سیکرٹری جنرل انتونیوگوتریس دے ترجمان سٹیفن ڈوجارک آکھیے اے پہلی واری کائنی جو اساں ہیلتھ ورکرز تے حملے ݙٹھن، اساں پاکستان تے دنیا دیاں ٻیاں جہیں تے پولیو ورکرز تے حملے ݙٹھن۔ انہاں پریس بریفنگ اچ آکھیے کجھ ویلھے اساکوں ایجھی صورت حال دا سامݨا کرݨا ہوندے جتھاں تساݙے لفظ مک ویندن لیکن ایجھے لوکاں کوں نشانہ بݨاوݨ تے انہاں تے حملہ کرݨ قابل مذمت اے جیڑھے جو ٻہوں اوکھے حالات اچ کمیونٹیز اچ ویندے پئن تے ٻالاں دی زندگیاں بچاوݨ دی کوشش کریندے پئن۔
