اسلام آباد۔6جنوری(اے پی پی)پچھلے سال تونسہ شریف دے علاقے ریتڑہ اچ اللہ داد میموریل ہسپتال وی رضوانہ تبسم درانی شروع کیتا ہئی جتھاں مریضاں دا علاج تھیندا پئے تے ہک فری ایمبولینس سروس وی کم کریندی پئی ۔ اللہ داد میموریل اسپتال توں سینکڑاں بندے فیدہ چیندے پئین۔بھانویں کوہ سلیمان دے اچے پہاڑ ہوون یا سندھ دریا دے واسی بیٹ کچہ دے رہائشی چھل دے مارے ہوون انھاں دی مدد سانگے رضوانہ تبسم درانی آپدی ٹیم نال پجن ۔ انھاں تونسہ شریف دا قصبہ ریتڑہ تے وکھو وکھ وستیاں اچ گھٹ ودھ 10 غریب ٹبراں کوں چھتاں بنڑوا ڈتن ۔انھاں ڈسایا جو او تونسہ شریف دے وکھو وکھ علاقیاں اچوں سیالے دے آندے ای چھل دے متاثرین فون کرتے ڈسائے جو انھاں کوں سوڑیں، سویٹر،کمبل جرسیاں ، جراباں دی بہوں لوڑ اے ایں سانگے او ڈیونڑ سانگے ویندے پئین ۔ڈوجھے پراجیکٹ اچ او گھٹ ودھ 50 ٹبراں کوں چھتاں بنڑوا ڈتا اے تے او ہنڑ 10 چھتاں ڈیونڑ ویندے پئین ۔۔اتے او وستی وستی دسترخوان وی لیسن ۔ایں توں علاوہ رضوانہ تبسم درانی ریتڑہ دے علاقہ نزد مسوواہ وستی لغاری اچ عمران خان لغاری نال گرم شالاں گھر دے استعمال دیاں شئیاں ونڈایاں اتے انھاں گالھ مہاڑ کریندے اخیر اچ ڈونر حضرات جیڑھے انھاں دی مدد کریندن انھاں کوں دعائیں ڈتیاں اتے انھاں دا شکریہ ادا کیتا
