اسلام آباد۔11جنوری(اے پی پی) عالمی بینک آکھیے پاکستان اچ اڄوکی بدترین چھل دے بعد نویں سروں تعمیر تے بحالی دے عمل اچ عالمی بینک پاکستان نال تعاون اچ پرعزم اے۔ اے ڳالھ انہاں جنوبی ایشیا کیتے عالمی بینک دے نائب صدر مارٹن ریزرآپݨے ٹویٹس اچ آکھی اے ۔ انہاں آکھیے سیلاب دے بعد سامݨے آوݨ آلے بحران اچ پاکستانی عوام دی مدد دے حوالے نال عالمی بینک پرعزم اے۔انہاں آکھیے نویں سروں تعمیر تے بحالی دے عمل اچ عالمی بینک 2 ارب ڈالردی معاونت کریندا پئے جیڑھا جو نویں سروں تعمیر تے بحالی دی مجموعی ضرورتاں (16.2 ارب ڈالر) دا 12 فیصد بݨدے ۔مارٹن ریزر جنیوااچ اقوام متحدہ اتے حکومت پاکستان دی مشترکہ میزبانی اچ منعقدہ کلائمٹ ریزیلیئنٹ پاکستان دی تعریف کریندے ہوئیں انہاں آکھیے کانفرنس مفید اتے چنڳی ثابت تھئی اے ۔ اساں آپݨے شراکت داراں توں پاکستان دے انہاں لکھاں متاثرہ لوکاں دی امداد اتے بحالی دے طریقیں تے ڳالھ کیتی جیڑھا جو بدترین سیلاب دے کئی مہینے بعد وی اوکھ دا شکار ہن۔
