اسلام آباد۔13جنوری(اے پی پی)وفاقی وزیر قومی غذائی تحفظ و تحقیق طارق بشیر چیمہ آکھیے جو ملک اچ کتھائیں وی کݨک دی تھوڑ کائنی، پاکستان سالانہ 2 ارب ڈالر دی کݨک منڳویندا پئے۔ اپݨی پریس کانفرنس اچ انہاں آکھیا جو پاکستان روس توں 2.6 ملین ٹن کݨک منڳویندا پئے، ہݨ تئیں روس توں 1.3 ملین ٹن کݨک آ چکی اے جو حکومت ایں سال 2.6 ملین ٹن کݨک منڳواوݨ دا فیصلہ کیتا ھا،پچھلے سال حکومت 1.8 ملین ٹن کݨک سٹرٹیجک ذخائر اچ رکھی ہئی ڄݙاں جو ایں سال 1.5 ملین ٹن کݨک سٹرٹیجک ذخائر اچ رکھی ویسی۔ وفاقی وزیر آکھیا جو کݨک ودھ موجود اے اتے صوبیاں کوں وی کݨک ݙیوݨ دا آکھیے، پنجاب سودھا صوبے کݨک نئیں ݙیندے پئے۔
