لاہور۔14جنوری(اے پی پی) پاکستان اتے نیوزی لینڈ دی سیریز مکݨ تے عبوری چیف سلیکٹر شاہد آفریدی اپݨے سنیہے اچ آکھیے جو قومی ٹیم دے تیکھے فارم اچ ولݨ کیتے پراعتماد ہاں۔ اپݨے ٹویٹ اچ انہاں آکھیا جو مہمان کیوی ٹیم مبارکباد دی مستحق اے، گلین فلپس ٻہوں چنڳاں کھیݙیے اتے ساݙے کولو جیت کھس ڳھدی اے۔ شاہد آفریدی چیف سلیکٹر دی ذمہ داری ݙیوݨ تے پاکستان کرکٹ بورڈ دا وی شکریہ ادا کریندے آکھیے جو میں اپݨی ذمہ داری دی چس چاتی اے، امید اے اپݨے دلیرانہ فیصلاں پاروں چاہݨ آلیاں دی امیداں پوریاں کیتن، میں ہمیشہ کہیں وی مدد کیتے اڳو راہساں۔
