واشنگٹن۔19جنوری(اے پی پی) امریکی محکمہ خارجہ آکھیے جو امریکا پاکستان کوں اقتصادی لحاظ نال مستحکم ݙٰیکھݨ چاہندے۔ امریکی محکمہ خارجہ دے ترجمان نیڈ پرائس روزانہ دی بنیاد تے تھیوݨ آلی پریس بریفنگ اچ آکھیے جو پاکستان دی حکومت بین الاقوامی مالیاتی فنڈ (آئی ایم ایف)اتے ٻئے عالمی مالیاتی اداریں نال ڳالھ مہاڑ کریندی پئی اے ۔ انہاں پاکستان دے زر مبادلہ دے ذخائر گھٹ تھیوݨ ڈے حوالے نال سوال دے جواب اچ آکھیے اساں سمجھدوں جو اے ھک چیلنج اے ۔ انہاں آکھیے او ڄاݨدن جو پاکستان آئی ایم ایف اتے عالمی مالیاتی اداریں دےنال کم کریندا پئے ، اساں پاکستان کوں اقتصادی لحاظ نال مستحکم پوزیشن تے ݙٰیکھݨ چاہندوں ۔ انہاں آکھیے جتھاں تئیں او سمجھدن پاکستان دی آئی ایم ایف اتے عالمی مالیاتی اداریں ںال ڳالھ مہاڑ جاری اے اساں آپݨے پاکستانی شراکت داراں دی حمایت کریندوں لیکن آخر کار اے پاکستان تے بین الاقوامی مالیاتی اداریں دے درمیان دا معاملہ اے۔ترجمان پاکستان دے مالیاتی چیلنجز تے امریکی اقدامات تے دٻاؤ پیندے ہوئیں آکھیے ساݙے پاکستانی شراکت داراں نال ڳالھ مہاڑ اچ اکثر تکنیکی مسئلے درپیش ہوندن ۔ اکثر اوقات اے مسئلے محکمہ خزانہ تے ساݙے پاکستانی شراکت داراں دے درمیان حل کیتے ویندن لیکن محکمہ خارجہ تے ساݙے ہم منصباں دے درمیان ڳالھ مہاڑ دا موضوع پاکستان دا میکرو اکنامک استحکام اے۔
