اسلام آباد۔19جنوری(اے پی پی) ایف آئی اے نقلی افغان پاسپورٹ تے پشاور ائیر پورٹ تے آوݨ آلے مسافر کوں برطانیہ ڈی پورٹ کرݙتا۔ایف آئی اے امیگریشن پشاور ائیرپورٹ تے کارروائی کریندے ہوئیں مسافر کوں ڈیپورٹ کرݙتا ۔احسن خان نامی افغان مسافر بین الاقوامی ائیرلائن دے ذریعے برطانیہ توں پشاور پڄا ہئی ۔ امیگریشن کلیئرنس دے دوران مسافر دی طرفوں پیش کیتا ونڄݨ آلا افغان پاسپورٹ نقلی نکلیا۔ پاسپورٹ تے کہیں قسم دی حفاظتی خصوصیات آویزاں کائناں ہن ۔ مسافر کوں ڈی پورٹ کریندے ہوئیں متعلقہ بین الاقوامی ایئر لائن عملے دے حوالے کرݙتا ۔
