اسلام آباد۔19جنوری (اے پی پی) چیئرمین سینیٹ محمد صادق سنجرانی نال پاکستان اچ تعینات شام دے سفیرڈاکٹر رمیز الرائی خمیس کوں پارلیمنٹ ہاؤس اچ ملاقات کیتی۔ سینٹ سیکرٹریٹ موجب ملاقات اچ ݙو پاسہ تعلقات سودھے آپسی دلچسپی دے معاملے سودھے مختلف شعبیاں اچ ݙو پاسہ تعاون تے ڳالھ کیتی ڳی۔ شام دے سفیر پاکستان اچ اڄوکے چھل پاروں تھیوݨ آلی تباہ کاریاں تے چیئرمین سینیٹ نال افسوس کیتا۔ فریقین موسمیاتی تبدیلی کوں پوری دنیا کیتے ہک وݙا چیلنج قرار ݙیندیں ہوئیں ایں تے قابو پاوݨ کیتے ایمرجنسی بنیاداں تے اقدامات کرݨ دی لوڑھ تے زور ݙتا۔ چیئرمین سینیٹ آکھیا جو شام نال برادرانہ اتے تاریخی تعلقات اساݙے کیتے باعث فخر ہن ۔ ایں موقع تے شام دے سفیر ڈاکٹر رمیز الرائی علاقائی امن تے استحکام اچ پاکستان دے کردار دی تعریف کیتی۔
