اسلام آباد۔19جنوری (اے پی پی) وزیر خارجہ بلاول بھٹو زرداری ڈیووس اچ عالمی اقتصادی فورم دے اجلاس دے موقع تے بیلجیئم دی وزیر خارجہ حدجہ لہبیب نال ملاقات کیتی۔ وزیرخارجہ خمیس کوں ہک ٹویٹ اچ آکھیا جو انہاں ڈیووس اچ بیلجیئم دی وزیر خارجہ نال مل تے خوشی تھئی اے۔ بلاول بھٹو زرداری ملاقات اچ بیلجیئم ولوں پاکستان دے چھل متاثرین کیتے ݙتے ڳے تعاون دی تعریف کیتی۔ ملاقات اچ آپسی دلچسپی دے ݙو پاسہ ، علاقائی اتے عالمی معاملیاں تے ڳالھ کیتی ڳی۔ انہاں آکھیا جو ملاقات اچ اقتصادی، تجارتی، سرمایہ کاری اتے ثقافتی تعاون کو ں مضبوط ٻݨاوݨ دا عزم کیتا ڳیا۔
