اسلام آباد۔19جنوری (اے پی پی) وفاقی وزیر منصوبہ بندی، ترقی تے اصلاحات احسن اقبال آکھیا جو پاکستان کوں ماحولیاتی تبدیلی جیھے وݙے چیلنج دا سامݨا اے، ملک دی پیداواری صلاحیت بہتر کرݨی پوسی۔ اساکوں ملک دی معیشت کوں ہر صورت بچاوݨا اے ۔ معاشی استحکام کیتے سیاسی استحکام ڳھن آوݨ ضروری اے۔ انہاں خمیس کوں پاکستان انسٹیٹیوٹ آف ڈویلپمنٹ اکنامکس دے دورہ دے موقع تے مستقبل اچ معاشی بہتری کیتے 5نکاتی پالیسی بارے ڳالھ کریندیں ہوئیں آکھیا جو پاکستان کوں ماحولیاتی تبدیلی جیھے وݙے چیلنج دا سامݨا اے، ملک دی پیداواری صلاحیت بہتر کرݨی پوسی۔انہاں آکھیا جو دوست ملکاں دی امداد اتے قرضے تے زیادہ دیر نی چل سڳدے۔ اساکوں آئی ایم ایف اتے ٻے ملکاں تے انحصار ڳھٹ کرݨ کیتے کم کرݨا پوسی۔ انہاں آکھیا جو تکھے ترقی کرݨ کیتے 25 توں 30 ارب ڈالر دی سالانہ ٻاہرلی سرمایہ کاری ٻہوں ضروری اے۔
