اسلام آباد۔19جنوری(اے پی پی)پاکستان روس بین الحکومتی کمیشن (آئی جی سی) دے تجارت، اقتصادی، سائنسی و تکنیکی تعاون دا اٹھواں اجلاس جمعہ کوں اسلام آباد اچ مکسی۔ ترجمان دفتر خارجہ موجب ݙو ݙیہاڑی اجلاس اچ پاکستان ولوں آئی جی سی دی مشترکہ صدارت وفاقی وزیر برائے اقتصادی امور سردار ایاز صادق ڄݙاں جو روسی وفد دی قیادت وزیر توانائی نکولائی شولگینوف کیتی۔ آئی جی سی ہک جامع ݙوطرفہ طریقہ کار اے جیڑھا باہمی تعاون دے اہم مسائل بشمول تجارت، سرمایہ کاری، صنعت، ریلوے و توانائی تے بامعنی ڳالھ مہاڑ دا موقع ݙیندے۔ آئی جی سی آخری واری نومبر 2021 اچ روس اچ تھیا ہا۔
