لاہور۔19جنوری(اے پی پی)وزیراعظم محمد شہباز شریف نال روس دے وزیر توانائی نکولے شولگینوف دی اڳواݨی اچ وفد لاہور اچ ملیے۔ انہاں ݙوطرفہ اقتصادی و تجارتی تعلقات دےو دھارے، توانائی دے شعبے اچ تعاون، روس توں طویل المدتی تیل و گیس ݙیوݨ دے معاملیاں تے الایا۔ وزیر اعظم روسی وفد دا خیرمقدم کریندے روس نال تکڑے تعلقات دی اہمیت ڳݨوائی اتے ݙوطرفہ تجارت، سرمایہ کاری و اقتصادی امور اچ ڳانݙھا ودھاوݨ تے زور ݙتا۔ وفد وزیراعظم کوں روسی صدر ولوں ݙوطرفہ تعلقات ٻئے تکڑے کرݨ کیتے سنیہا پچایا۔ ملاقات اچ توانائی تعاون سانڳے گیس پائپ لائنز وچھاوݨ بارے معاملیاں دا وی جائزہ ڳھدا ڳیا۔ ملاقات اچ وفاقی وزیر اقتصادی امور سردار ایاز صادق، وفاقی وزیر تجارت سید نوید قمر، وزیر مملکت پٹرولیم مصدق ملک اتے وزیراعظم دے معاون خصوصی طارق فاطمی وی موجود ہن۔
