
اسلام آباد۔19جنوری(اے پی پی)صدر مملکت ڈاکٹر عارف علوی کمپیوٹنگ اتے مصنوعی ذہانت دے شعبے اچ سرمایہ کاری تے زور ݙیندے آکھیے جو ڈیٹا اتے معلومات 21 ویں صدی دا نواں سونا ہین، پاکستان اچ انفارمیشن اینڈ کمیونیکیشن ٹیکنالوجی دا شعبہ تیزی نال ترقی کریندا پئے، فیصلہ سازاں کوں ملک اچ آئی ٹی دی ترقی کیتے درست فیصلے کرݨے ہوسن، پاکستان کوں اقتصادی چیلنجاں تے قابو پاوݨ کیتے برآمدات ودھاوݨ تے توجہ ݙیوݨی ہوسی۔ اے ڳالھ انہاں سی ایکس او ڈیجیٹل فورم ولوں گلوبل ڈیجیٹل سمٹ دے اختتامی اجلاس نال خطاب اچ آکھی۔ اجلاس اچ چیف ایگزیکٹو آفیسر سی ایکس او ڈیجیٹل فورم کنول مسرور، میڈی ٹیک امریکہ دی چیف ایگزیکٹو آفیسر مشیل او کونر وی خطاب کیتے۔ صدر مملکت آکھیا جو اڄوکے دور اچ ڈیجیٹل ہیلتھ وݙی اہمیت ڳھدی اے، ہم انسانی مسئلے مکاوݨ اتے صحت دے مسلیاں نال نمٹݨ کیتے مصنوعی ذہانت دے استعمال تے توجہ ݙیوݨی ہوسی، مصنوعی ذہانت و امیج اینڈ پیٹرن ریکگنیشن سافٹ ویئر اچ تھیوݨ آلی پیشرفت مختلف بیماریاں دی بہتر تشخیص اچ مدد ݙے سڳدی اے۔ایں توں پہلے صدر مملکت پاکستان اچ کم کرݨ آلی اعلیٰ کارکردگی ݙکھاوݨ آلیاں آئی ٹی کمپنیاں کوں شیلڈز وی ونݙین۔