اسلام آباد۔19جنوری(اے پی پی)صدر مملکت ڈاکٹر عارف علوی آکھیے جو پاکستان کشمیریاں دی جدوجہد آزادی دی سیاسی، سفارتی و اخلاقی حمایت جاری رکھسی، ٻئے پاسو آزاد جموں و کشمیر قانون ساز اسمبلی دے اراکین و سینئر سیاسی قیادت متفقہ طور تے 5 نکاتی قرارداد منظور کیتی اے جیندے اچ بھارت کولو مطالبہ کیتا گئے جو او 5 اگست 2019 دے اپݨے غیر آئینی، غیر قانونی اتے غیر منصفانہ اقدامات ولا ڳھنے۔ صدر مملکت آزاد کشمیر دی سینئر قیادت کوں ظہرانہ ݙتے جیندے اچ آزاد کشمیر دے قائم مقام صدر چوہدری انوار الحق، وزیراعظم سردار تنویر الیاس، سابق وزیراعظم سردار عتیق احمد خان اتے قانون ساز اسمبلی دے اراکین و سینئر سیاسی قیادت شرکت کیتی۔ صدر مملکت آکھیا جو حکومت پاکستان اتے پوری پاکستانی قیادت کشمیر کاز کیتے پرعزم اے اتے کشمیریاں دے حق خود ارادیت دی اخلاقی، سیاسی و سفارتی حمایت جاری رکھیسی، آزادی پسنداں اتے دہشت گرداں اچ فرق اے، کشمیری ٻھیݨیں ٻھرا اپݨی آزادی دی منصفانہ جدوجہد کریندے پن اتے حق خودارادیت کیتے اپݨیاں جاناں ݙیندے پن، میڈیا کوں سماجی ناانصافی، کشمیریاں دے حق خودارادیت کیتے موثر انداز اچ استعمال کرݨا چاہیدے، عالمی میڈیا آزاد جموں و کشمیر اچ سیاسی، معاشی، سماجی، ثقافتی و مذہبی آزادیاں دا جائزہ ڳھنے اتے کشمیریاں تے تھیوݨ آلے ظلم، بربریت، تذلیل و جبر کوں اڳونہا کرے۔ چھیکڑ تے وفد تحریک آزادی کشمیر دے شہداء کیتے فاتحہ خوانی کیتی اتے پاکستان دی خوشحالی و جموں و کشمیر دے مسئلہ دے تیکھے حل دی وی دعا منڳی۔
