اسلام آباد۔20جنوری(اے پی پی) وزیر خارجہ بلاول بھٹو زرداری سوئٹزرلینڈ اچ عالمی اقتصادی فورم دے اجلاس دے موقع تے جنوبی افریقہ دے بین الاقوامی تعلقات اتے تعاون دے وزیر نال ملاقات کیتی ۔ آٌپݨے ٹویٹ اچ انہاں آکھیے جو عالمی اقتصادی فورم دے اجلاس دے موقع تے ڈاکٹر نالیڈی پنڈور نال مل تےخوشی تھئی۔ بلاول بھٹو زرداری آکھیے پاکستان اتے جنوبی افریقہ دے درمیان ہر سطح تے پراݨے تکڑے تعلقات ہن، جنوبی افریقہ دے وزیر خارجہ نال سانجھی دلچسپی دے عالمی امور تے چنڳی ڳالھ مہاڑ تے سیلاب توں بعد جنوبی افریقہ دی حمایت اتے یکجہتی دی تعریف کیتی۔ ملاقات اچ تجارت تے سرمایہ کاری دے حوالے نال ساݙے تعلقات کوں مزید ودھاوݨ دے عزم دا اظہار کیتے ۔
