اسلام آباد۔20جنوری (اے پی پی):وفاقی وزیراقتصادی امورسردارایازصادق آکھیے جو پاک روس بین الحکومتی کمیشن دے اجلاس اچ سانجھی دلچسپی دے اموردے علاوہ ریل ڳاݙی سروس، فوڈ سیکورٹی، ہوابازی، تیل وگیس، مالیات سودھے کئی شعبیں اچ تعاون تے تفصیلی ڳالھ مہاڑ تھئی ، ݙوہیں ملکاں وچال مختلف شعبیں اچ تعاون متعلق کجھ معاہدیں تے اتفاق تھی ڳئے جݙاں جو کجھ شعبیں اچ معاہدے پائپ لائن وچ اے ۔ انہاں اے ڳالھ جمعہ کوں پاک روس بین الحکومتی کمیشن دے اجلاس دے اختتامی سیشن توں خطاب کریندے ہوئیں آکھی اے ۔ وفاقی وزیرآکھیے پاکستان تے روس دے بین الحکومتی کمیشن دا اجلاس ھک ایجھے موقع تے تھیندا پئے جݙاں پاکستان اچ گزریل ساوݨ اچ وسݨ آلے تاریخی مینھ تے تباہ کن سیلاب توں لکھاں لوکاں دی امداد تے متاثرہ علااقیں دی نویں سروں تعمیر تے بحالی کیتے سرگرمیاں جاری ہن ، پاکستان سیلاب توں متاثرہ لوکاں دی امداد تے بین الاقوامی برادری دی امداد تے مشکوراے تاں جو متاثرین دی مدد کیتے مزید ٻہوں کجھ کرݨ دی لوڑھ اے۔ انہاں آکھیے پاکستان سیلاب توں متاثرہ لوکاں دی امداد تے پاکستان کیتے قرضہ معطل کرݨ دی سہولت اچ مدد کرݨ تے روس دا شکر گزار اے ۔ انہاں آکھیے ݙوہیں ملکاں دے بین الحکومتی کمیشن دے اجلاس اچ سانجھی دلچسپی دے امورتوں علاوہ ٹرین سروس، فوڈ سیکورٹی، ہوابازی، تیل وگیس، مالیات سمودھے کئی شعبیں اچ تعاون تے تفصیلی ڳالھ مہاڑ تھئی اے ۔انہاں آکھیے ݙوہیں ملکاں وچال مختلف شعبیں اچ تعاون متعلق کجھ معاہدیں تےاتفاق تھی ڳئے جݙاں جو کجھ شعبیں اچ معاہدے پائپ لائن وچا ہن ۔ ݙوہیں ملکاں دے بین الحکومتی کمیشن دے اجلاس اچ اقتصادیات، معیشت، تجارت، ٹیکنالوجی، تعلیم تے بزنس ٹوبزنس شعبہ جات اچ نویں دوردا آغاز تھیئے ۔ سردارایازصادق آکھیے ݙوہیں ملکاں وچال توانائی دے شعبہ اچ تعاون متعلق اہم اعلان مشترکہ پریس کانفرنس اچ کیتا ویسی ۔
