اسلام آباد۔20جنوری(اے پی پی):وفاقی وزیر خزانہ و محصولات سینیٹر محمد اسحاق ڈار آکھیے جو ساکوں ترکے اچ کمزور معیشت ملی ہئی ایندے باوجود اساں معیشت کوں سدھے رستے تے سٹݨ کیتے ٻہوں اوکھوں فیصلے کیتن، معاشی استحکام و ترقی سانڳے مختلف شعباں اچ اصلاحات کیتاں ویسن۔ او ایف بی آر اچ ریفارمز اینڈ ریسورس موبلائزیشن کمیشن (آر آر ایم سی) دے افتتاحی اجلاس دی صدارت کریندے پئے ہن۔ اجلاس اچ وزیرآعظم دے معاون خصوصی برائے ریونیوطارق محمود پاشا، چیئرمین آر آر ایم سی اشفاق یوسف تولہ، چیئرمین ایف بی آر ڈاکٹر عاصم، ڈاکٹر محمد اقبال، عبدالحمید میمن، ڈاکٹر وقار احمد، غضنفر بلور، اردشیر سلیم طارق اتےر توقیر احمد سودھا رانا منیر حسین صدر پاکستان ٹیکس بار ایسوسی ایشن، صدر ایف پی سی سی آئی عرفان اقبال شیخ، آصف ہارون، حیدر علی پٹیل، عبدالقادر میمن اتے زیاد بشیر شرکت کیتی۔ وزیر خزانہ سینیٹر اسحاق ڈار کمیشن دے ارکان دا خیرمقدم کریندے ملک دی اقتصادی و مالیاتی صورتحال تے الایا۔
