اسلام آباد۔22جنوری(اے پی پی) سٹیٹ بینک پاکستان آپݨے ریٹائرڈ اتے حاضر سروس ملازمین دے ٻالاں کیتے سکالر شپ دا اعلان کرݙتے ۔ سٹیٹ بینک موجب میرٹ سکالرشپ سکیم 2022-2023دے تحت سٹیٹ بینک دے ریٹائرڈ متوفی اتے حاضر سروس ملازمین دے ٻالاں کیتے انٹرمیڈیٹ ، گریجویشن اتے ماسٹرز دی سطح تے سکالر شپ دا اعلان کیتا ڳئے جیں دے تحت انٹرمیڈیٹ دے طالب علماں کوں 7330، گریجویشن کیتے 9330اور پوسٹ گریجویشن کیتے 13328روپے ماہانہ ݙتے ویسن ۔ ایں سکالر شپ کیتے درخواستاں جمع کراوݨ کیتے آخری تاریخ 20 فروری اے۔
