لاہور۔23جنوری(اے پی پی)انٹرنیشنل کرکٹ کونسل ویمنز ٹی 20 ٹیم آف دی ائیر دا اعلان کیتے جیندے اچ پاکستان دی کھیݙاڑی ندا ڈار وی شامل ہین۔ آئی سی سے کرکٹ دے مختصر ترین اتے مقبول فارمیٹ (ٹی 20) اچ ویمنز ٹیم آف دی ائیر دا اعلان کیتے جیندے اچ بھارت دی 4، آسٹریلیا دی 3 ڄݙاں جو نیوزی لینڈ، پاکستان، انگلینڈ اتے سری لنکا دی ہک ہک کھیݙاڑی شامل اے۔ ٹیم دی کپتان کیوی کھیݙاڑی سوفی ڈیوائن ہوسن ڄݙاں جو ٻئے کھیݙاڑیاں اچ بھارتی ویمن کرکٹر سمرتی مندھانہ، دپتی شرما، رچا گھوش اتے رینوکا سنگھ، آسٹریلیا دی بیٹ موونی، ایش گارڈنر اتے تاہیلا مک گراتھ شامل ہین۔ ٹیم اچ پاکستان دی ندا ڈار، انگلینڈ دی سوفی ایکلیسٹون اتے سری لنکا دی آئینوکا رانا ویرا شامل ہین۔
