اسلام آباد۔25جنوری(اے پی پی) وزیراعظم محمد شہباز شریف اڄ ٻدھ کوں ھک ݙینھ دے دورے تے رحیم یار خان ویسن ۔ ٻدھ کوں وزیراعظم آفس دے میڈیا ونگ توں جاری بیان موجب وزیراعظم چاندنہ ایئرپورٹ رحیم یار خان تے متحدہ عرب امارات دے صدر محمد بن زید النہیان دا پاکستان پڄݨ تے استقبال کریسن ۔بعد اچ ݙوہیں رہنما پاکستان اتے متحدہ عرب امارات وچال برادرانہ تعلقات مزید ودھاوݨ تے مختلف امور تے ڳالھ مہاڑ کریسن۔
