اسلام آباد۔26جنوری (اے پی پی):بھارت دے نام نہاد یوم جمہوریہ دے موقع تے کل جماعتی حریت کانفرنس دی کال تےاسلام آباد اچ بھارتی ہائی کمیشن دے سامݨے احتجاجی مظاہرہ کیتا ڳئے ۔مظاہرین اچ اوورسیز کشمیری، حریت رہنماواں سودھے سیاسی سماجی شہریاں شرکت کیتی۔مظاہرین ہتھاں اچ کالے جھنڈے چاتے بھارتی سرکار دے خلاف اتے آزادی دے حق اچ فلک شگاف نعرے مریندے پئے ہن ۔ ایں موقع تے حریت رہنماواں آکھیے بھارت نام نہاد یوم جمہوریہ دے ناں تے اپݨے غیر قانونی زیر تسلط جموں و کشمیر اچ شہریاں دا قتل عام کریندا پئے ۔پوری دنیا اچ رہݨ آلے کشمیری بھارت دا دہشت گرد چہرہ بے نقاب کریندے پئن ،بھارت اپݨے غیر قانونی زیر تسلط جموں و کشمیر اچ انسانی حقوق سلب کررکھئن ، بھارت کیجھا جموہری ملک اچ جیں اچ کشمیریاں توں جیوݨ دا حق کھس ڳھدا ڳئے ۔
