اسلام آباد۔26جنوری(اے پی پی) وزیراعظم دے مشیر امور کشمیر و گلگت بلتستان قمر زمان کائرہ آکھیے جو بھارت دے نام نہاد یوم جمہوریہ کوں مظلوم کشمیری عوام یوم سیاہ دے طور تے منیندے پئن ، کشمیرتے ناجائز قبضے دے باوجود خود کوں ھک جمہوریہ اکھواوݨ بھارت کیتے شرمناک اے۔ ھک پاسے بھارت یوم جمہوریہ منیندا پئے تاں ݙوجھے پاسے اوں کشمیریاں دے بنیادی حقوق کھس رکھئن ،بھارت اپݨے غیر قانونی زیر تسلط جموں و کشمیر اچ انسانیت سوز ظلم ڈھائی پئے ۔بھارت دے نام نہاد یوم جمہوریہ دے موقع تے آپݨے بیان اچ قمر زمان کائرہ آکھیے اڄ بھارت دنیا دے سامݨے ھک ہندو فاشسٹ ملک دے طور تے بے نقاب تھی چکیے ،وزیر خارجہ بلاول بھٹو زرداری مودی دی ہندو انتہا پسند حکومت کوں پوری دنیا دے سامݨے بے نقاب کیتے،بھارت اچ ہندو انتہا پسندی اتے اقلیتاں تے ظلم آپݨی آخری حدود کوں پڄ چکن۔
