اسلام آباد۔26جنوری(اے پی پی):وفاقی وزیر قومی صحت عبدالقادر پٹیل آکھیے پولیو مکاوݨ کیتے مربوط حکمت عملی تشکیل ݙتی ویندی پئی اے ، ملک توں پولیو مکاوݨ دا پختہ عزم کر رکھیے، پولیو مکݨ تئیں آرام نال نہ بۃسوں ۔ وزارت صحت توں جاری بیان موجب وفاقی وزیر آکھیے پاکستان اچ خیبر پختونخوا تے افغانستان ونڄݨ آلے ٹرکاں تے پولیو توں بچاؤ دی آگاہی مہم دا آغاز کیتا ویسی ۔پاکستانی ٹرک آرٹ دنیا اچ مشہور اے ،ساݙا پولیو توں پاک پاکستان ٹرک آرٹ دا پیغام ٻہوں حد تئیں کامیاب تھیسی ، پولیو نال پاک پاکستان دا پیغام ٹرک آرٹ دے ذریعے سارے صوبائی زباناں اچ ٹرکاں تے لکھیا ویسی ۔ انہاں آکھیے پولیو مکاوݨ کیتے ھک مربوط حکمت عملی تشکیل ݙتی ویندی پئی اے ۔ پولیو مکاوݨ کیتے سارے ضروری وسائل اتے اقدامات یقینی بݨیندے پیوں۔ملک توں پولیو مکاوݨ دا پختہ عزم کر رکھیے۔
