رمضان المبارک اچ کھاوݨ پیوݨ دیاں چیزاں دیاں قیمتاں دا توازن برقرار رکھݨ کیتے پیشگی منصوبہ بندی کیتی ونڄے ،احسن اقبال

اسلام آباد۔26جنوری(اے پی پی) وفاقی وزیر منصوبہ بندی ، ترقی، اصلاحات وخصوصی اقدامات پروفیسر احسن اقبال آکھیے رمضان المبارک اچ استعمال تھیوݨ آلیاں کھاوݨ پیوݨ دیاں چیزاں دی قیمتاں دا توازن برقرار رکھݨ کیتے پیشگی منصوبہ بندی کیتی ونڄے ،ذخیرہ اندوزی اتے ناجائز منافع خوری دی حوصلہ شکنی کیتے صوبائی حکومتاں وختی اقدامات کرن۔ اے ڳاھ انہاں خمیس کوں آپݨی زیر صدارت نیشنل پرائس مانیٹرنگ کمیٹی دے اجلاس اچ ڳالھ مہاڑ کریندے ہوئیں آکھی اے ۔ وفاقی وزیر آکھیے رمضان المبارک اچ استعمال تھیوݨ آلیاں چیزاں دیاں قیمتاں اچ توازن برقرار رکھݨ کیتے پیشگی منصوبہ بندی کیتی ونڄے ۔ ذخیرہ اندوزی اتے ناجائز منافع خوری دی حوصلہ شکنی کیتے صوبائی حکومتاں وختی اقدامات کرن ۔ انہاں آکھیے صوبائی حکومتاں ضلعی انتظامیہ کوں ہدایت کرن جو اٹے دیاں ملاں اچ ذخیرہ اندوزی نہ تھیوے۔ رمضان اچ کھاوݨ پیوݨ دیاں چیزاں دی منگ دے مطابق سپلائی یقینی بݨائی ونڄے۔ رمضان اچ ضروری چیزاں خوردونوش دی قلت پیدا نی تھیوݨی چاہیدی ۔ انہاں آکھیے مہانگ دی عفریت توں ریلیف ݙٰیوݨ کیتے ضروری اقدامات کیتے ونڄن ۔ رسد تے طلب دے درمیان فرق گھٹ کرݨ کیتے متعلقہ انتظامیہ موثر اقدامات چاوے۔ وزارت فوڈ سکیورٹی سارے صوبیں نال رل تے یقینی بݨاوے جو کہیں صوبے اچ ضروری کھاوݨ پیوݨ دیاں چیزاں دا کوئی بحران پیدا نہ تھیوے ۔ انہاں آکھیے ایں حوالے نال ہفتہ وار اجلاس منعقد کیتے ونڄن ۔